සුපහස් අසුනක සිටියද අද මා
සිහිලස විඳිමින් විදුලිය පංකාවේ
සිහියට එනවා පාඩම් කල හැටි
අබලන් පුටුවක ඉඳගෙන රෑ යාමේ
කහට කෝප්පෙන් කුස පුරවාගෙන
සරඹ කරද්දී දවසක් දා
ඇදගෙන වැටුනම නැගුණු සිනා හඞ
දුගී බවට කෙරුවද නින්දා
සුපහස් අසුනක...
ඉරුණු කලිසමේ අණ්ඩ දමාගෙන
මං පාසැල් ගිය පෙර දවසේ
සරදම් විලසින් හිනැහුණු මිතුරන්
කිම මා අභියස අද දවසේ
පිහිටක් ලැබගනු පිණිස පතාගෙන
මගේ කුටිය වෙත අද දින ආ මිතුරේ
දුටුවෙද සරදම් සිනා පොදක් හෝ
රැඳී තිබෙනු මගෙ තොල් අතරේ සැඟවී
No comments:
Post a Comment